( दाराआडचा वास )

कुबट वास दाराआडुन पडतो आहे बाहेर

किती बाहेर?

यत्र तत्र सर्वत्र , नाकाच्या आर पार

नाकातले केस जळून जात आहेत , जळत आहेत

किती वेळ ?

पोटातले ढवळतंय, येतेय बाहेर, कोण आहे तिथे आत

कुणी तरी एक बसला आहे स्तब्ध....

करत असेल का तो ही त्या भयानक वासाचा विचार?

जळत असतील का त्याचेही नाकातले केस

दरवाज्याबाहेर , दरवाज्याच्या पलीकडे?

कुणी उभाही राहू शकत नाही , त्या वासाशिवाय ...

मग मी माझे नाक घट्ट दाबून , आलेली कळही दाबून ,

डोळे आणि डोळ्यात जीव आणि पाणी घेऊन

शांतपणे उभा राहतो....

वासाला चैत्र पालवी फुटलेली असते

नाक नसलेल्या दाराआडून बहरत राहते...

बहरतच राहते....