नाचणी पुट्टू
साहित्य :
१. नाचणी पीठ एक वाटी
२. बारीक कापलेला कांदा
३. बारीक चिरलेला टोम्याटो
४. लाल / हिरव्या मिरच्या
५. तेल व फोडणी साहित्य
६. मीठ
७. फुटाण्याची डाळ
--------------
१. नाचणी पीठात थोडे पाणी शिंपडून दमट करावे . नंतर कुकरच्या एका भांड्यात ठेवून कुकरमधून १०-१५ मिनिटे वाफवून घ्यावे. ( फडक्यात घालून वाफवणे , पुट्टु पात्र , इडली पात्रात वाफवणे असे इतर पर्याय आहेत. )
२. नंतर तेलाची फोडणी करुन त्यात कांदा, टोम्याटो, मिरच्या घालून परतावे. फुटाण्याची डाळ, ओली मूग डाळ , मटार , नारळाचा कीस , गाजर कीस, बीट कीस इ इ घालता येईल.
३. नंतर वाफवलेले पीठ घालून भरपूर परतावे. लागल्यास पाणी शिंपडावे.
४. वाटीतून मूद काढावी.
५. याच्याबरोबर हरबरा डाळीचे वरण , छोले इ इ घेतात. मी लसूण चटणी व दही कालवून घेतले होते.
* असेच गोड पुट्टु करता येते. मसाल्याऐवजी गूळ , ड्राय फ्रुट , ओला नारळ कीस , पीनट बटर , तूप , तेल इ इ घालून करावे.
